Wie ons is
Bryte Versekerings Maatskappy Beperk is die voorste proaktiewe kommersiële risikospesialiste in Suid-Afrika. Met die toepassing van ons ongeëwenaarde insigte in sektore, bewese kundigheid en versiendheid, gaan ons vennootskappe met kliënte en makelaars aan om hul besighede te beskerm en hul risikoprofiel oor die hele vasteland te verbeter.
Ons risikobestuursoplossings ten opsigte van korttermynversekering word ontwikkel met deeglike sektorkennis, ’n toekomsgerigte fokus en ons verbintenis tot voortreflike diens. Bryte Versekerings Maatskappy Beperk se handelsmerk is miskien nuut, maar dit sluit die voordeel van ’n gevestigde infrastruktuur, produkte en bestuurspan in. Ons is trots op wat hierdie span die afgelope paar jaar vermag het, en ons sien uit daarna om voort te bou op die stewige grondslag van ’n gevestigde, suksesvolle versekeringserfenis en ’n toegewyde vennootskapsmodel.
Bryte Versekerings Maatskappy Beperk se werksaamhede in Suid-Afrika en Botswana is onlangse toevoegings tot die Fairfax Financial Holdings-portefeulje. Fairfax is ’n maatskappy wat in Toronto, Kanada gesetel is en deur sy filiale betrokke is by eiendoms- en ongevalleversekering, herversekering en beleggingsbestuur.
Bryte Versekerings Maatskappy Beperk volg ’n doelgerigte benadering tot kliënterisiko, en werk proaktief saam met makelaars en kliënte om beter risikobesluite te verseker.